Fréttir frá árinu 2009
Upplýsingar um fjárframlög fyrri ára til stjórnmálastarfsemi
Ríkisendurskoðun hefur birt upplýsingar um fjárframlög fyrri ára til stjórnmálasamtaka og frambjóðenda. [meira]
Skýrsla um endurskoðun ríkisreiknings 2008
Ríkisendurskoðun gerir ekki verulegar athugasemdir við reikningsskil stofnana fyrir árið 2008 en bendir á veikleika í innra eftirliti hjá allmörgum þeirra. Einnig gagnrýnir hún útgjöld stofnana umfram fjárheimildir og mismunandi fyrirkomulag greiðslna fyrir yfirvinnu. Þá telur hún að ýmsum spurningum er varða lánveitingar Seðlabankans til fjármálafyrirtækja á síðasta ári sé ósvarað. [meira]
Nýta má betur framlög til útflutningsaðstoðar og landkynningar
Ríkisendurskoðun telur að öll verkefni ríkisvaldsins á sviði útflutningsaðstoðar og landkynningar eigi að heyra undir fyrirhugaða Íslandsstofu. Einnig þurfi að kveða skýrt á um ábyrgð utanríkisráðherra á málaflokknum í lögum. Þá þurfi að móta heildarstefnu um málaflokkinn og mæla árangur hennar. [meira]
Útdráttur úr uppgjörum frambjóðenda
Ríkisendurskoðun hefur birt útdrátt úr uppgjörum 45 frambjóðenda sem tóku þátt í prófkjöri/forvali vegna alþingiskosninganna sl. vor. [meira]
Athugasemdir við innkaup hjá VMSÍ
Ríkisendurskoðun gerir athugasemdir við innkaup hjá Varnarmálastofnun Íslands (VMSÍ). [meira]
Flokkar og frambjóðendur fá lengri frest
Frestur sem stjórnmálasamtök og frambjóðendur hafa til að skila upplýsingum um framlög fyrri ára til Ríkisendurskoðunar hefur verið framlengdur til 10. desember nk. [meira]
Skil frambjóðenda á upplýsingum um kostnað
Ríkisendurskoðun hefur birt yfirlit um skil frambjóðenda sem tóku þátt í prófkjöri vegna síðustu alþingiskosninga á kostnaðarupplýsingum til stofnunarinnar. [meira]
Áherslur og viðfangsefni stjórnsýsluúttekta næstu tvö árin
Sjónum verður sérstaklega beint að þeim meginvandamálum sem stjórnvöld og ríkisstofnanir standa frammi fyrir vegna efnahagshrunsins. [meira]
Ekki frekari afskipti af máli yfirlæknis hjá HSA
Ríkisendurskoðun mun að svo stöddu ekki aðhafast frekar í máli yfirlæknis hjá HSA en hvetur heilbrigðisráðuneytið til að huga að viðeigandi úrræðum. [meira]
Ekki ástæða til frekari úttektar á Lyfjastofnun
Ríkisendurskoðun telur ekki tilefni til frekari úttektar á starfsemi Lyfjastofnunar að svo stöddu. Engu að síður beinir hún nokkrum ábendingum til stofnunarinnar og heilbrigðisráðuneytis. [meira]
Mat á framkvæmd fjárlaga fyrstu átta mánuði þessa árs
Útlit er fyrir að tekjur ríkisins á þessu ári verði nokkru hærri en fjárlög gerðu ráð fyrir en að halli á rekstrinum verði mun meiri. Almennt hefur ekki verið farið að tilmælum Ríkisendurskoðunar frá því um mitt ár um að tekið verði á rekstrarvanda stofnana. Ríkisendurskoðun gagnrýnir að þótt langt sé liðið á árið hefur enn ekki verið tekin samræmd ákvörðun um meðferð ónýttra fjárheimilda frá árinu 2008. [meira]
Fjölmargir frambjóðendur enn eftir að skila
Frestur til að skila Ríkisendurskoðun upplýsingum um kostnað af prófkjörsbaráttu vegna alþingiskosninganna 2009 rann út sl. sunnudag. [meira]
Prentun skýrslna hætt í sparnaðarskyni
Vegna aðhalds í rekstri hefur Ríkisendurskoðun ákveðið að hætta prentun skýrslna sinna og verða þær framvegis eingöngu gefnar út á rafrænu formi. Ákvörðunin er liður í víðtækum sparnaðaraðgerðum hjá stofnuninni.
Frambjóðendur hafa mánuð til að skila uppgjöri
Aðeins lítill hluti frambjóðenda sem tóku þátt í prófkjörum stjórnmálaflokkanna vegna alþingiskosninganna sl. vor hefur skilað fjárhagslegu uppgjöri til Ríkisendurskoðunar. Skilafrestur rennur út 25. október nk. [meira]
Fjölmenni á málþingi um sameiningu stofnana
Á þriðja hundrað manns sótti málþing 16. september sl. um sameiningu og endurskipulagningu ríkisstofnana sem haldið var á vegum Ríkisendurskoðunar, Félags forstöðumanna ríkisstofnana og Stofnunar stjórnsýslufræða og stjórnmála. [meira]
Alþingi felur Ríkisendurskoðun aukin verkefni
Ríkisendurskoðun skal taka við og birta upplýsingar um fjárframlög til stjórnmálastarfsemi nokkur ár aftur í tímann samkvæmt lögum sem Alþingi samþykkti skömmu fyrir þingfrestun. Stofnuninni er þó ekki falið að staðfesta réttmæti þessara upplýsinga. Sannleiksgildi þeirra verður alfarið á ábyrgð viðkomandi flokka og frambjóðenda. [meira]
Samningar um endurskoðun Seðlabanka Íslands
Ríkisendurskoðun hefur samið við endurskoðunarfélagið Deloitte hf. um að annast ytri endurskoðun Seðlabanka Íslands á tímabilinu 2009–2011. Þá hafa Ríkisendurskoðun og Seðlabankinn samið um að stofnunin annist innri endurskoðun bankans á sama tímabili. [meira]
Athugun á kaupum forsætisráðuneytisins á sérfræðiþjónustu
Ríkisendurkoðun gerir ekki athugasemdir við kaup forsætisráðuneytisins á sérfræðiþjónustu haustið 2008 sem tengdust bankahruninu. Aftur á móti þarf ráðuneytið að endurskoða almennt verklag sitt við kaup á sérfræðiþjónustu. [meira]
Mat á árangri stjórnsýsluúttekta ársins 2005
Tæplega níu af hverjum tíu ábendingum í stjórnsýsluúttektum Ríkisendurskoðunar sem lokið var árið 2005 höfðu verið framkvæmdar þremur árum síðar. [meira]
Úttekt á fjárhagsstöðu 50 ríkisstofnana
Fjárlög munu ekki halda hjá um fjórðungi þeirra stofnana sem úttekt Ríkisendurskoðunar náði til. Hjá átta stofnunum er staðan svo slæm að bregðast þarf tafarlaust við. [meira]
Efla þarf úrræði stjórnvalda til að innheimta sektir
Í nýrri skýrslu Ríkisendurskoðunar kemur fram að hér á landi eru háar sektir yfirleitt ekki greiddar heldur gerðar upp með samfélagsþjónustu. Kanna þurfi hvort þetta fyrirkomulag sé skynsamlegt út frá því markmiði refsinga að fæla menn frá afbrotum. Stofnunin telur einnig að efla þurfi úrræði stjórnvalda til að innheimta sektir. [meira]
Bent á leiðir til að bæta fjármálastjórn ráðuneyta og stofnana
Í nýrri skýrslu Ríkisendurskoðunar kemur fram að ráðuneytin þurfi að samræma eftirlit sitt með framkvæmd fjárlaga hjá stofnunum. Einnig vanti samræmdar reglur um meðferð uppsafnaðs halla og ónýttra fjárheimilda. Þá sé brýnt að gera rekstraráætlanir fyrir fleiri fjárlagaliði en hingað til og tryggja að allar slíkar áætlanir séu skráðar í bókhaldskerfi ríkisins. [meira]
Nýta má betur ríkisframlög til safnamála
Stjórnvöld þurfa að móta heildarstefnu um málefni muna- og minjasafna og auka ber forræði menntamálaráðuneytisins á þessu sviði. Þá ætti að fækka söfnum eða auka samvinnu þeirra til að skapa öflugri rekstrareiningar. Einnig þarf að móta langtímastefnu um fjárveitingar til safnamála og fela einum aðila að samræma úthlutanir. [meira]
Athugun á kaupum forsætisráðuneytisins á sérfræðiþjónustu
Ríkisendurkoðun gerir ekki athugasemdir við kaup forsætisráðuneytisins á sérfræðiþjónustu haustið 2008 sem tengdust bankahruninu. Aftur á móti þarf ráðuneytið að endurskoða almennt verklag sitt við kaup á sérfræðiþjónustu. [meira]
Skýrsla um stofnefnahag Keflavíkurflugvallar ohf.
Ríkisendurskoðun hefur metið eignir og skuldir opinbers hlutafélags sem stofnað var á síðasta ári um rekstur Keflavíkurflugvallar. [meira]
Skýrsla um fjárreiður sjálfseignarstofnana sem ekki stunda atvinnurekstur
Í skýrslu Ríkisendurskoðunar um fjárreiður sjálfseignarstofnana sem ekki stunda atvinnurekstur kemur fram að nokkur misbrestur er á því að slíkir aðilar sendi stofnuninni ársreikninga sína eins og lög kveða á um. [meira]
Frambjóðendur í prófkjörum minntir á upplýsingaskyldu
Ríkisendurskoðun hefur sent frambjóðendum í prófkjörum bréf þar sem minnt er á skyldu þeirra að upplýsa um kostnað vegna kosningabaráttunnar. Þá hefur stofnunin sett gögn á heimasíðu sína sem eiga að auðvelda frambjóðendum að rækja þessa upplýsingaskyldu. [meira]
Frambjóðendur í prófkjörum minntir á upplýsingaskyldu
Ríkisendurskoðun hefur sent frambjóðendum í prófkjörum bréf þar sem minnt er á skyldu þeirra að upplýsa um kostnað vegna kosningabaráttunnar. Þá hefur stofnunin sett gögn á heimasíðu sína sem eiga að auðvelda frambjóðendum að rækja þessa upplýsingaskyldu. [meira]
Upplýsingastefna Ríkisendurskoðunar
Mótuð hefur verið stefna um innri og ytri upplýsingamiðlun Ríkisendurskoðunar sem skilgreinir markmið og leiðir á þessu sviði. [meira]
Átak í eftirliti með ráðuneytum og stofnunum
Vegna breyttra aðstæðna í ríkisfjármálunum gerir Ríkisendurskoðun nú átak í eftirliti með fjármálastjórn ráðuneyta og stofnana. [meira]
Samningar um endurskoðun ríkisbankanna
Ríkisendurskoðun hefur samið við þrjú endurskoðunarfélög um að annast endurskoðun nýju ríkisbankanna á tímabilinu 2009-2010. Einnig hefur verið gengið frá ráðningu félaga til að endurskoða stofnefnahagsreikninga tveggja banka og reikninga þeirra fyrir tímabilið frá stofnun til ársloka 2008. [meira]
Forstöðumenn hvattir til að vera á varðbergi
Ríkisendurskoðun hefur sent öllum forstöðumönnum ríkisstofnana bréf þar sem þeir eru hvattir til að kynna sér leiðbeiningar stofnunarinnar um aðferðir til að fyrirbyggja fjármálamisferli. [meira]