Fréttir frá árinu 2010
Breyta þarf fyrirkomulagi stuðnings við atvinnu- og byggðaþróun
Ríkisendurskoðun telur að samvinna aðila sem starfa að stuðningi við atvinnu- og byggðaþróun sé ónóg og verkaskipting milli þeirra óljós. Æskilegt sé að fela einu ráðuneyti ábyrgð á málaflokknum. [meira]
Fjölmargir frambjóðendur enn eftir að skila upplýsingum
Ríkisendurskoðun hefur birt yfirlit um skil frambjóðenda sem tóku þátt í prófkjöri vegna sveitarstjórnarkosninganna sl. vor á kostnaðarupplýsingum til stofnunarinnar. [meira]
Ríkisendurskoðun ítrekar ábendingar frá 2007 um háskólakennslu
Ríkisendurskoðun fagnar ýmsum jákvæðum breytingum í starfi háskóla frá því stofnunin birti skýrslu um háskólakennslu árið 2007. Engu að síður ítrekar stofnunin nú nokkrar ábendingar skýrslunnar og setur fram eina nýja. [meira]
Útdráttur úr ársreikningum stjórnmálasamtaka 2009
Ríkisendurskoðun hefur birt útdrátt úr ársreikningum stjórnmálasamtaka fyrir árið 2009 þar sem m.a. koma fram upplýsingar um framlög til þeirra frá lögaðilum. Aðeins er birtur útdráttur úr ársreikningum fjögurra samtaka en stofnuninni hafa enn ekki borist reikningar frá fleirum. [meira]
Ábendingar frá 2007 um stjórnsýslu vinnuverndarmála ítrekaðar
Ríkisendurskoðun ítrekar ábendingar frá árinu 2007 til félags- og tryggingamálaráðuneytisins um leiðir til að bæta skipulag og stjórnun vinnuverndarmála. [meira]
Opinberir atvinnuþróunarsjóðir herði kröfur til umsækjenda
Ríkisendurskoðun telur að opinberir atvinnuþróunarsjóðir þurfi að herða kröfur til þeirra sem sækja um styrki úr þeim. Umsækjendum verði m.a. gert skylt að greina frá öðrum styrkjum sem þeir þiggja eða hafa þegið úr opinberum sjóðum. [meira]
Ýmsar athugasemdir gerðar við reikningsskil og fjármálastjórn ríkisins
Í skýrslu um endurskoðun ríkisreiknings 2009 gerir Ríkisendurskoðun margvíslegar athugasemdir við reikningsskil og fjármálastjórn ríkisins. Meðal annars er gagnrýnt að ekki skuli getið um tilteknar fjárhagslegar skuldbindingar í reikningnum. Þá telur stofnunin ekki ljóst á hvaða lagaheimild framlag ríkissjóðs til endurreisnar Sjóvár byggðist. [meira]
Ítrekar ábendingar um aðgerðir gegn fíkniefnasmygli
Stjórnvöld hafa farið að flestum ábendingum í skýrslu Ríkisendurskoðunar um aðgerðir gegn fíkniefnasmygli sem birt var fyrir þremur árum. Stofnunin ítrekar nú fjórar ábendingar sem annaðhvort hefur ekki verið fylgt eða einungis að hluta. [meira]
Frambjóðendur til stjórnlagaþings minntir á upplýsingaskyldu
Ríkisendurskoðun vekur athygli frambjóðenda til stjórnlagaþings á því að þeim ber lögum samkvæmt að skila stofnuninni upplýsingum um tekjur og kostnað vegna kosningabaráttu sinnar. Skilafrestur er til 28. febrúar 2011. [meira]
Línur lagðar um stjórnsýsluúttektir næstu ára
Ríkisendurskoðun mun leggja áherslu á vandamál stjórnvalda og stofnana vegna erfiðrar stöðu ríkissjóðs í stjórnsýsluúttektum sínum á næstu tveimur árum. [meira]
Könnun á viðhorfi forstöðumanna til starfsmannamála
Niðurstöður könnunar Ríkisendurskoðunar á viðhorfi forstöðumanna ríkisstofnana til starfsmannamála voru kynntar á morgunverðarfundi á Grand hóteli í dag. [meira]
Mikilvægt að eyða óvissu um framtíð RES Orkuskóla
Óvissa ríkir um fjárhagslegan og faglegan rekstrargrundvöll skólans. Ríkisendurskoðun telur að stjórnvöld eigi um tvennt að velja: Annaðhvort að hætta stuðningi við skólann eða yfirtaka starfsemina. Brýnt er að ákvörðun verði tekin sem fyrst. [meira]
Athugasemd vegna fréttar mbl.is um málefni Menntaskólans Hraðbrautar
Í frétt mbl.is í gær, 26. október, er því haldið fram að í greinargerð Ríkisendurskoðunar um málefni Hraðbrautar komi fram rangar tölur um ofgreidd ríkisframlög til skólans. Af þessu tilefni vill stofnunin koma eftirfarandi upplýsingum á framfæri. [meira]
Skrifstofa Alþingis endurskoði verklag við innkaup
Ríkisendurskoðun hefur sent frá sér sjálfstæða ábendingu þar sem skrifstofa Alþingis er hvött til að endurskoða verklag sitt við verðfyrirspurnir og útboð. [meira]
Athugasemdir gerðar við undirbúning sameiningar
Skýr markmið voru með sameiningu Keflavíkurflugvallar ohf. og Flugstoða ohf. og verkstjórn í ferlinu var með eðlilegum hætti. Ríkisendurskoðun telur þó að undirbúningi hafi að nokkru leyti verið áfátt. [meira]
Afkoma ríkissjóðs betri en búist var við
Tekjur ríkisins á fyrstu átta mánuðum þessa árs voru meiri og gjöldin minni en reiknað var með í ársbyrjun. Dæmi eru um að ráðuneytin hafi samþykkt rekstraráætlanir stofnana sem ekki rúmast innan fjárheimilda þeirra. Ríkisendurskoðun gagnrýnir þetta og telur að Alþingi eigi að taka á vandanum. [meira]
Framkvæmd þjónustusamnings gagnrýnd
Ofgreidd ríkisframlög til Hraðbrautar ehf., sem rekur Menntaskólann Hraðbraut, námu samtals 192 m.kr. á sjö ára tímabili. Félagið greiddi eigendum arð án þess að hafa í raun bolmagn til þess. Fjárhagslegt uppgjör hefur aldrei farið fram þrátt fyrir skýrt ákvæði í þjónustusamningi. [meira]
Óskráð vanhæfisregla gildir um starfsmenn Ríkisendurskoðunar
Starfsmenn Ríkisendurskoðunar geta talist vanhæfir í skilningi stjórnsýsluréttar ef mál varða nána venslamenn þeirra. Þá hafa forstöðumenn ríkisstofnana almennt heimild til að leita ráðgjafar Ríkisendurskoðunar um fjárreiðutengd málefni. Þetta kemur fram í lögfræðiáliti sem stofnunin hefur látið vinna. [meira]
Vel staðið að sameiningu Fasteignaskrár og Þjóðskrár
Ákvörðun um sameiningu var tekin að vel athuguðu máli og markmið hennar voru skýr. Þá er áætlun um framkvæmdina til fyrirmyndar að mati Ríkisendurskoðunar. [meira]
Ábendingar frá 2007 ítrekaðar
Af fimm ábendingum sem Ríkisendurskoðun setti fram í skýrslu um sameiningu St. Jósefsspítala og Sólvangs hafa tvær verið framkvæmdar að fullu. Ríkisendurskoðun ítrekar nú hinar þrjár. [meira]
Bæta þarf eftirlit með framkvæmd búvörusamninga
Hluti greiðslna ríkisins til bænda var rangfærður í bókhaldi ríkisins. Auka þarf gagnsæi greiðslna vegna búvörusamninga. [meira]
Athugasemd vegna fréttaflutnings um málefni Keilis
Ríkisendurskoðun hefur sent fjölmiðlum eftirfarandi ábendingar vegna opinberra ummæla sem framkvæmdastjóri Keilis ehf. hefur látið falla um skýrslu stofnunarinnar. [meira]
Einkaskólum ber að tryggja eigið rekstraröryggi
Margt er vel gert í starfi Keilis ehf. að mati Ríkisendurskoðunar en efla þarf gæðastarf skólans. Þá telur stofnunin óvíst hvort fjárhagslegur grundvöllur sé fyrir rekstri hans. [meira]
Bæta þarf stjórnun og eftirlit með þjónustu við fatlaða
Samþykkja þarf heildarstefnu um þjónustu við fatlaða og tryggja samræmi hennar milli stofnana og landshluta. Þá þarf að efla allt eftirlit með starfseminni. [meira]
FR breyti verklagi við innkaup
Ríkisendurskoðun telur að Fasteignir ríkissjóðs (FR) þurfi að breyta verklagi sínu við kaup á þjónustu til að jafnræðis milli fyrirtækja sé gætt. [meira]
Ákvarðanir sveitarstjórnar orsök fjárhagsvanda
Rekja má erfiða fjárhagsstöðu Álftaness til ákvarðana sveitarstjórnar á tímabilinu 2006–2009. [meira]
Heildargjöld innan fjárheimilda árið 2009
Gjöld A-hluta ríkissjóðs voru innan fjárheimilda á árinu 2009. Áform um tekjuöflun gengu eftir og gott betur. Gjöldin voru einnig innan heimilda á fyrstu fjórum mánuðum ársins 2010. [meira]
Athugasemd vegna fréttar um málefni Álftaness
Í frétt Pressunnar í dag koma fram rangar upplýsingar um athugun Ríkisendurskoðunar á fjárhagsstöðu sveitarfélagsins Álftaness. [meira]
Ekki gerð athugasemd við undirbúning sameiningar
Ríkisendurskoðun gerir ekki athugasemd við undirbúning sameiningar skattumdæma landsins. Stofnunin bendir á mikilvægi þess að stutt verði við starfsfólk og að stefnumótun verði lokið. [meira]
Skýrsla um fjárhag Álftaness birt um miðjan júní
Ríkisendurskoðun vinnur að því að ljúka athugun á fjárhagsstöðu sveitarfélagsins Álftaness. [meira]
Misbrestur á að sjálfseignarstofnanir skili reikningum
Tæplega þriðjungur sjálfseignarstofnana sem lögum samkvæmt áttu að skila reikningum sínum fyrir árið 2008 til Ríkisendurskoðunar hefur ekki gert það. [meira]
Gera þarf nýjan samning um rekstur HSSA
Ríkisendurskoðun telur brýnt að heilbrigðisráðuneytið og Sveitarfélagið Hornafjörður semji að nýju um rekstur Heilbrigðisstofnunar Suðausturlands (HSSA). [meira]
Háar sektir vegna „hvítflibbabrota‘‘ sjaldan greiddar
Vegna svars dómsmála- og mannréttindaráðherra við fyrirspurn á Alþingi um fésektir og fjölmiðlaumræðu í kjölfar þess, vill Ríkisendurskoðun koma eftirfarandi upplýsingum á framfæri. [meira]
Athugasemd vegna fjölmiðlaumræðu um prófkjörsmál
Vegna umræðu í fjölmiðlum undanfarið um fjármál frambjóðenda sem tóku þátt í prófkjöri/forvali fyrir kosningar sem fóru fram á árunum 2006 og 2007, vill Ríkisendurskoðun árétta eftirfarandi. [meira]
Eyðublað til að nota við verðkannanir
Starfsmenn Ríkisendurskoðunar og Ríkiskaupa hafa í sameiningu mótað sérstakt eyðublað sem stofnanir geta notað til að kanna verð á vörum eða þjónustu. [meira]
Athugasemd vegna fjölmiðlaumræðu
Vegna umræðu í fjölmiðlum að undanförnu um málefni tengd einkavæðingu ríkisbankanna vill Ríkisendurskoðun koma eftirfarandi upplýsingum á framfæri. [meira]
Bréf vegna samskipta heilbrigðisráðherra og forstjóra SÍ
Ríkisendurskoðandi hefur sent forseta Alþingis bréf vegna samskipta heilbrigðisráðherra og forstjóra Sjúkratrygginga Íslands (SÍ). [meira]
Nýtt skipurit Ríkisendurskoðunar
Innra skipulagi Ríkisendurskoðunar hefur verið breytt og tók nýtt skipurit gildi 1. apríl sl. [meira]
Skýrsla um starfsemi Ríkisendurskoðunar árið 2009
Út er komin ársskýrsla Ríkisendurskoðunar 2009 þar sem gerð er grein fyrir starfsemi stofnunarinnar á síðasta ári. [meira]
Nauðsynlegt að bæta úr húsnæðisvanda fangelsa
Skortur er á rými fyrir fanga í fangelsum landsins. Ríkisendurskoðun telur brýnt að úr þessu verði bætt og að stjórnvöld móti heildarstefnu um fullnustu refsinga. Þá þurfi að breyta skipulagi fangelsismála. [meira]
Auka þarf aga í fjárlagaferlinu
Sveinn Arason ríkisendurskoðandi benti á leiðir til að auka aga og aðhaldssemi í fjárlagaferlinu á morgunverðarfundi sem Ríkisendurskoðun stóð að ásamt fleirum á Grand Hóteli í dag. [meira]
Mun fylgjast grannt með sameiningu ríkisstofnana
Ríkisendurskoðun ætlar að hafa eftirlit með því hvernig áform stjórnvalda um sameiningu stofnana munu ganga fram. [meira]
Fyrirkomulag verktakagreiðslna hjá Fasteignaskrá gagnrýnt
Í nýrri skýrslu gagnrýnir Ríkisendurskoðun það fyrirkomulag sem verið hefur á verktaktagreiðslum hjá Fasteignaskrá Íslands. [meira]
Leiðbeiningarrit um frjálsan hugbúnað
Ríkisendurskoðun hefur gefið út rit sem ætlað er að fræða starfsmenn ríkistofnana um möguleika svokallaðs frjáls hugbúnaðar og leiðbeina um val á slíkum hugbúnaði. [meira]
Árangur stjórnsýsluúttekta frá 2006
Rúmlega þrjár af hverjum fjórum ábendingum í stjórnsýsluúttektum Ríkisendurskoðunar frá árinu 2006 höfðu verið framkvæmdar að fullu eða hluta þremur árum síðar. [meira]
Dæmi um að stofnanir virði ekki lög um opinber innkaup
Misbrestur er á því að ríkisstofnanir fylgi ákvæðum laga um útboðsskyldu, verðsamanburð, gagnsæi og jafnræði í opinberum innkaupum. Í nýrri skýrslu bendir Ríkisendurskoðun á leiðir til úrbóta. [meira]
Athugasemdir við verktakagreiðslur Háskóla Íslands
Ríkisendurskoðun gagnrýnir verktakagreiðslur Háskóla Íslands til fastráðinna starfsmanna sinna fyrir kennslu sem skilgreind er sem endurmenntun. [meira]
Hægt að auka hagkvæmni innkaupa hjá ríkinu
Ríkisendurskoðun telur að ráðuneytin þurfi að gefa innkaupamálum aukið vægi í starfsemi sinni, setja sér tímasett og mælanleg markmið á þessu sviði og fylgjast með árangri undirstofnana sinna. [meira]
Útdráttur úr reikningum stjórnmálaflokkanna 2008
Ríkisendurskoðun hefur birt útdrátt úr ársreikningum stjórnmálaflokkanna fyrir árið 2008 þar sem m.a. koma fram upplýsingar um fjárframlög til þeirra frá lögaðilum. Tveir flokkar hafa ekki skilað stofnuninni ársreikningum. [meira]