Þetta orðasafn er fyrst og fremst ætlað almenningi til glöggvunar. Skilgreiningar einstakra hugtaka standast því ekki endilega ýtrustu kröfur um fræðilega nákvæmni. Allar ábendingar um orð sem hér ættu að vera, orðskýringar eða annað sem betur mætti fara eru vel þegnar.
Umhverfisendurskoðun
Umhverfisendurskoðun (environmental auditing) felst einkum í því að kanna og meta margvíslegan árangur á sviði umhverfismála, til dæmis hvernig lögum eða alþjóðasamningum um umhverfismál er framfylgt og þann hag sem slíkir gjörningar hafa í för með sér. Með umhverfisendurskoðun fást upplýsingar um stöðu þessa málaflokks sem á síðustu árum hefur fengið æ meiri athygli.