Vakin er athygli á eftirfarandi ábendingum og athugasemdum en smávægilegum ábendingum var komið beint á framfæri við stjórnendur þegar endurskoðunarvinna fór fram.

1. Almennt um bókhaldið
   Gerð er athugasemd við að aðgangur starfsmanna að bókhaldskerfinu er í sumum tilfellum of víðtækur og stangast jafnvel á við markmið innra eftirlits um aðgreiningu starfa. Gæta verður að því að ekki séu of margir starfsmenn með of víðtækan aðgang þegar minni aðgangur gæti dugað.
    
2. Ferðaheimildir og dagpeningar
   Tryggja þarf að ferðaheimildir liggi fyrir vegna allra ferða sem farnar eru erlendis á vegum stofnunarinnar.
   Þá þarf að ganga úr skugga um að dagafjöldi vegna dagpeninga sé rétt reiknaður og skráður.
    
3. Annar rekstrarkostnaður
   Tryggja þarf að samþykki tveggja til þess bærra aðila liggi fyrir vegna allra útgjalda í samræmi við reglur sem stofnunin hefur sett sér.
    
4. Fastafjármunir
   Tryggja þarf að eignakerfið stemmi við fjárhagsbókhaldið og að allar færslur sem varða varanlega rekstrarfjármuni komi fram bæði í fjárhagsbókhaldinu og eignakerfinu.