Yfirlit um ársreikninga sókna vegna ársins 2015
08.11.2016
Ríkisendurskoðun hefur haft eftirlit með ársreikningum sókna frá og með árinu 1997. Eftirlit stofnunarinnar felst fyrst og fremst í því að kanna hvort þeir séu tölulega réttir. Auk þessa eru ársreikningar sókna skráðir í gagnagrunn til að auðvelda eftirlit með skilum og aðra athugun á þeim.
Samræmt reikningsform fyrir sóknir var samþykkt af Kirkjuráði á árinu 2004 og hefur það verið notað síðan.
Í árslok 2015 voru 270 starfandi sóknir í 9 prófastsdæmum sem skila eiga ársreikningum til Ríkisendurskoðunar. Í byrjun október 2016 höfðu Ríkisendurskoðun borist ársreikningar frá 248 sóknum vegna ársins 2015. Ársreikningum 22 sókna hafði ekki verið skilað.
