21.01.2015
Til að öðlast bætta yfirsýn um samningamál ríkisins hóf Ríkisendurskoðun árið 2013 að skrá skipulega skuldbindandi samninga ríkisaðila samkvæmt frumvarpi til fjárlaga vegna áranna 2012-15. Einnig voru skráðir rekstrar-, þjónustu-, samstarfs- og styrktar-samningar ráðuneyta og ríkisstofnana við aðila utan ríkisins um verkefni, þjónustu eða rekstur til eins árs eða lengri tíma þar sem kostnaður vegna samnings nam 3 m.kr. eða meira á ársgrundvelli. Þessi vinna leiddi til þess að í árslok 2014 voru í málakerfi stofnunarinnar afrit um 500 virkra samninga, þ.e. sem starfað var eftir árið 2014, ásamt miklu safni gagna og upplýsinga.