30.11.2015
Ríkisendurskoðun hefur haft eftirlit með ársreikningum sókna frá og með árinu 1997. Eftirlit stofnunarinnar felst fyrst og fremst í því að kanna hvort þeir séu tölulega réttir. Auk þessa eru ársreikningar sókna skráðir í gagnagrunn til að auðvelda eftirlit með skilum og aðra athugun á þeim.
Samræmt reikningsform fyrir sóknir var samþykkt af Kirkjuráði á árinu 2004 og hefur það verið í gildi síðan.
Í árslok 2014 voru 273 sóknir starfandi. Í byrjun október 2015 höfðu Ríkisendurskoðun borist ársreikningar frá 221 sókn vegna ársins 2014. Ársreikningum 52 sókna hafði ekki verið skilað.