Endurskoðun hjá Háskólanum á Akureyri fyrir árið 2020 er lokið. Ekki verður annað séð en að vel sé staðið að rekstri og umsýslu í samræmi við lög og reglur sem almennt gilda um fjárreiður og bókhald ríkisstofnana í A-hluta. 

Frá síðustu endurskoðunarskýrslu Ríkisendurskoðunar fyrir rekstrarárið 2017 hefur Háskólinn á Akureyri unnið með og brugðist við þeim athugasemdum sem þar komu fram.

Eftirfarandi ábendingum er komið á framfæri:

1. Lausafjárstaða
   Um áramót stóð inneign í banka Háskólans á Akureyri um 6,4% af heildar rekstrarfé ársins. Samkvæmt 2. gr. reglugerðar nr. 83/2000 er heimilt að eiga sem nemur 2% af heildar rekstrarfé ársins.
    
2. Frestun á nýtingu ferða- og dvalarkostnaði
   Framkvæmdastjórn Háskólans á Akureyri samþykkti að háskólakennarar í rannsóknarmisseri á haustmisseri 2020 mættu fresta nýtingu úthlutaðan ferða- og dvalarkostnaðheimilda fram á næsta skólaár.
   
   Vakin er athygli á athugasemd Fjársýslu ríkisins vegna nýtingar  ferða- og dvalarkostnaður. Óheimilt er að færa slíkan kostnað á milli ára. Gera verður ráð fyrir auknum kostnaði á þessum rekstrarlið á nýju rekstrarári en yfirfærsla milli ára er óheimil.
    
3. Vörslufé
   Háskólinn á Akureyri hefur tekið til vörslu fjármuni fyrir þriðja aðila, erlenda sem innlenda að fjárhæð 187,7 m.kr. með varðveislu á banakreikningum. Mikilvægt er að bókhald sé fært reglulega svo og að uppgjör og eftirlit með vörslureikningum sé viðhaft örar en gert er í dag.