Vakin er athygli á eftirfarandi athugasemdum og ábendingum:

1. Fjárveiting og rekstur
   Afkoma ársins vegna rekstrar var neikvæð um 94,6 m.kr. á árinu 2020. Samkvæmt skýringum stofnunar og umhverfis- og auðlindaráðuneytis skýrist frávik að mestu leyti af rangri flokkun fjárheimilda en fjárveiting til fjárfestinga að fjárhæð 75 m.kr. sem ætluð var til varna gegn landbroti var ranglega flokkuð sem fjárfestingarheimild. Fallist er á þá skýringu en ekki er um að ræða eignfærslu í bókhaldi stofnunarinnar  vegna aðgerða sem ráðist var  í á árinu við varnir gegn landbroti.  Rekstrarhalli ársins 2020 var því í raun lægri sem þessu nemur og sömuleiðis staða ónotaðrar fjárveitingar til fjárfestingar í árslok 2020.
    
2. Innra eftirlit
   Lagt er til að unnið verði  í að bæta innra eftirlitsumhverfi stofnunarinnar.  Tryggja þarf aðgreiningu starfa sem snúa að fjárreiðum, bókhaldi og launavinnslu. Fara þarf yfir og skjalfesta helstu verkferla sem snúa að fjármálum m.a. að verkferlum sem snúa að tekjum og tekjuinnheimtu. Formfesta þarf samanburð áætlunar við rauntölur innan ársins og fara þarf reglulega yfir aðgangsheimildir starfsmanna að einstökum kerfum í  bókhaldi stofnunarinnar og loka óviðeigandi aðgangi. 
    
3. Endurgreiddur virðisaukaskattur
   Skoða þarf fyrirkomulag á endurgreiðslu virðisaukaskatts af aðkeyptri þjónustu og gera upp endurgreiðslur vegna áranna 2020 og 2021.