18.02.2016
Ríkisendurskoðun mun fylgjast með því hvernig staðið verður að væntanlegum útboðum á nýjum verk- og kerfisþáttum fjárhags- og mannauðskerfis ríkisins (Orra).
Árið 2013 benti Ríkisendurskoðun Fjársýslu ríkisins á að nýta þyrfti reynslu af uppfærslu fjárhags- og mannauðskerfis ríkisins (Orra) árið 2010 við næstu uppfærslu kerfisins. Í nýrri eftirfylgniskýrslu stofnunarinnar kemur fram að Fjársýslan hafi komið til móts við þessa ábendingu.
Fram kemur að Ríkisendurskoðun mun engu að síður fylgjast með því hvernig staðið verður að væntanlegum útboðum á nýjum verk- og kerfisþáttum Orra. Einnig mun stofnunin huga að því hvort þær breytingar sem verða gerðar á kerfinu uppfylli ákvæði laga nr. 123/2015 um opinber fjármál sem lúta m.a. að nýrri framsetningu ríkisfjármála og kröfum um samstæðuuppgjör.